البيع عبر الإنترنت
الدفع عند الاستلام: كيفاش نتفادى الكوليات اللي كترجع؟
شي واحد كيكوموندي فالليل، والغد ما كيجاوبش الليفرور. خلصتي الذهاب، كتخلص الرجوع، والسلعة كترجع مرات مفعوصة.
الجواب بوضوح
خلي الدفع عند الاستلام، ولكن زيد تأكيد كل طلبية فالتيليفون ولا الواتساب قبل الإرسال: هادي هي الحاجة اللي كتنقص الرجوع أكثر. حدد ثمن التوصيل حسب المدينة، وخدم مع شركة كترجع ليك الفلوس بسرعة. طوراك ديجيتال كتجهز هاد الخطوات فالمتجر من النهار الأول.
المشكل الحقيقي
الكولي اللي كيرجع كيكلفك جوج مرات: الإرسال والرجوع. وزيد عليهم الوقت والسلعة اللي ما بقاتش جديدة. ما يمكنش تحيد هاد المشكل كامل، ولكن تقدر تنقصو بزاف.
شنو كنديرو فالمتجر
- كل طلبية جديدة كتدخل بحالة «خاصها تأكيد»، مع بوطونة باش تعيط ولا تكتب للزبون فالواتساب بضغطة وحدة.
- رقم التيليفون إجباري، وكيتشيكا بالشكل المغربي.
- ثمن التوصيل حسب المدينة. التوصيل لتولال ماشي بحال التوصيل للراشيدية.
- جملة واضحة فصفحة المنتج: المدة، ثمن التوصيل، وواش الزبون يقدر يشوف السلعة قبل ما يخلص.
والليفرور؟
داخل مكناس، بزاف ديال التجار عندهم الليفرور ديالهم. لباقي المغرب، كتخدم مع شركة توصيل كتجمع الفلوس. شوف مزيان المدة ديال التحويل، حيت هي اللي كتحكم فالسيولة ديالك.
ملي تكون واجد، زيد الخلاص بالكارط: شوف الخلاص بالكارط البنكية. الخدمة كاملة فـالمتاجر الإلكترونية، وأمثلة فـمكناس وفاس.
باش تعرف أكثر
أسئلة شائعة
واش نقدر نطلب تسبيق فالطلبيات الكبار؟
أه. نقدرو نديرو تحويل بنكي ولا خلاص جزئي فوق مبلغ نتا اللي كتحددو.
واش الزبون يقدر يحل الكولي قبل ما يخلص؟
نتا اللي كتقرر، وكيتكتب فشروط البيع. بزاف كيقبلو، حيت كيطمّن الزبون وكينقص الرفض.
أسئلة أخرى فنفس الموضوع
عندك مشروع في مكناس ولا فشي مدينة أخرى فالمغرب؟
احكِ لنا عنه في سطور: بالهاتف، على واتساب، أو عبر الاستمارة.