واش خاصني تطبيق ولا يكفي الموقع؟

تجربة التكرار

شحال من مرة فالشهر الزبون كيستعمل الخدمة ديالك؟ السباك، مرة فعامين. حتى واحد ما غادي يثبت التطبيق ديالو. مخبزة كتوصل كل صباح، قاعة رياضة، ريسطو كيتكوموندا منو كل سيمانة: هنا الأيقونة فالشاشة عندها قيمة.

شنو كيزيد التطبيق

• الإشعارات، لبروموسيون ولا طلبية واجدة.
• حساب الزبون مع التاريخ، باش يعاود الطلب بجوج ضغطات.
• تتبع الليفرور ولا السائق فالخريطة.
• بطاقة الوفاء بلا كارتونة.

إلا حتى حاجة من هادو ما كتهمك، خلي الفلوس للموقع.

التطبيق عندو مصاريف ديال الحياة

كيتنشر فGoogle Play وApp Store، كيتحدث ملي أندرويد ولا iOS كيتبدلو، وكيتجرب فبزاف ديال التيليفونات. كنقولوها ليك قبل، ماشي من بعد.

شوف تطبيقات الموبايل وتصميم المواقع.