الوكالة، عروض الأثمان والآجال
شكون مول الموقع والدومين: أنا ولا الوكالة؟
هاد السؤال كيتسول غالباً متأخر، النهار اللي بغيتي تبدل الوكالة ولا ملي الموقع طاح. الأحسن تسولو قبل.
الجواب بوضوح
الدومين، الإيبرجمون، المحتوى والكودات خاصهم يكونو باسمك نتا، ماشي باسم الوكالة. طلب هادشي مكتوب فالدوفي ولا العقد. فطوراك ديجيتال، الدومين كيتسجل باسم الزبون، وكنسلمو ليه الكودات ملي يتسالى المشروع.
القصة اللي كنسمعوها بزاف
تخيل تاجر بغا يبدل الموقع ديالو، ويلقى الدومين مسجل باسم واحد كان خدام فشي وكالة سدّات، والإيميل ديال الحساب ما بقاش خدام. غادي يضيع بزاف ديال الوقت غير باش يرجع الاسم ديالو. هاد الحالة كتتعاود، وما كتوقعش غير للصغار.
شنو خاص يكون باسمك
- الدومين، بالإيميل ديالك نتا.
- الحساب ديال الإيبرجمون، ولا على الأقل نسخة احتياطية عندك.
- النصوص والتصاور اللي خلصتي عليهم.
- الكودات ديال لوحة التحكم.
كيفاش كنخدمو حنا
الدومين باسمك من النهار الأول. الكودات كتوصلك فالتسليم. إلا بغيتي تمشي من بعد عامين، كنعطيوك كلشي بلا مشاكل. ماشي كرم، هادا هو الحق ديالك.
باش تعرف أكثر
أسئلة شائعة
الدومين ديالي باسم الوكالة القديمة، شنو ندير؟
طلب منها تحولو ليك. إلا ما جاوباتش، كاينة إجراءات عند المسجل، وكنعاونوك فيها.
واش التصميم حتى هو ملكي؟
كيتكتب فالعقد. عندنا، الموقع اللي خلصتي عليه ديالك.
أسئلة أخرى فنفس الموضوع
عندك مشروع في مكناس ولا فشي مدينة أخرى فالمغرب؟
احكِ لنا عنه في سطور: بالهاتف، على واتساب، أو عبر الاستمارة.