الإشهار ومواقع التواصل
عندي صفحة فيسبوك، واش مازال خاصني موقع؟
بزاف ديال التجار فالمغرب خدامين مزيان غير بفيسبوك وإنستغرام. ما غاديش نقولو العكس. ولكن كاينين حدود كنشوفوها كل شهر.
الجواب بوضوح
فيسبوك وإنستغرام كيبيعو للناس اللي كيعرفوك؛ الموقع كيخلي اللي ما كيعرفوكش يلقاوك فGoogle. وزيد، إلا تسرق الحساب ولا تبلوكا، الموقع والدومين باسمك كيبقاو. أحسن حل: موقع بسيط مربوط بالواتساب، والصفحات الاجتماعية كتكمّل.
شنو ما كيديرش فيسبوك
شي واحد كيكتب فGoogle «كراء التكشيطة مكناس». الصفحة ديالك فيسبوك تقريباً ما غاديش تبان ليه. Google كيبين المواقع والفيشات ديال Maps، ماشي البوسطات.
وكاين النهار اللي كيتسرق فيه الحساب. شفنا محلات ضيعو سنين ديال البوسطات فليلة وحدة.
الواتساب، الأحسن فالهضرة
الزبون المغربي كيحب يسول، يتفاهم على الثمن، يشوف اللون فتصويرة. حتى موقع ما كيعوض هادشي. داكشي علاش كنربطو الجوج: كل منتج فالموقع فيه بوطونة كتحل الواتساب بميساج مكتوب من قبل.
منين تبدا
غالباً بموقع بسيط: الخدمات ولا المنتجات، العنوان، الساعات، بوطونة الواتساب. من بعد فيشة Google. والباقي من بعد.
شوف تصميم المواقع والتسويق الرقمي للشبكات الاجتماعية، والواتساب بزنس مع الموقع.
باش تعرف أكثر
أسئلة شائعة
واش نقدر نبين البوسطات ديال إنستغرام فالموقع؟
أه، ولكن بشوية، حيت كيبطّأو الصفحة. كنفضلو تصاور مختارة ولينك للحساب.
واش الموقع غادي ينقص من الكليان ديال فيسبوك؟
لا، بالعكس. كنحطو اللينكات بين الجوج باش يدوزو الناس من هنا لهنا.
أسئلة أخرى فنفس الموضوع
عندك مشروع في مكناس ولا فشي مدينة أخرى فالمغرب؟
احكِ لنا عنه في سطور: بالهاتف، على واتساب، أو عبر الاستمارة.